Fylgstu með okkur á Facebook

Sláttuvísa

  • Fellur vel á velli
  • verkið karli sterkum,
  • syngur enn á engi
  • eggjuð spík og rýkur
  • grasið grænt á mosa,
  • grundin þýtur undir,
  • blómin bíða dóminn,
  • bítur ljár í skára.
  •  
  • Gimbill gúla þembir,
  • gleður sig og kveður:
  • „Veit ég, þegar vetur
  • vakir, inn af klaka
  • hnýfill heim úr drífu
  • harður kemst á garða,
  • góðir verða gróðar
  • gefnir sauðarefni.“
  •  
  • Glymur ljárinn, gaman!
  • grundin þýtur undir,
  • hreyfir sig í hófi
  • hrífan létt mér ettir,
  • heft er hönd á skafti,
  • höndin ljósrar drósar.
  • Eltu! áfram haltu!
  • ekki nær mér, kæra!
  •  
  • Arfi lýtur orfi,
  • allar rósir falla,
  • stutta lífið styttir
  • sterkur karl í verki,
  • heft er hönd á skafti,
  • hrífan létt mér ettir,
  • glymur ljárinn, gaman!
  • grundin þýtur undir.
Samið árið 1843.
Tvö eiginhandarrit eru til. Hið fyrra er varðveitt á Landsbókasafni í [JS 129 fol: nokkur kvæði á lausum blöðum, komin úr fórum Brynjólfs Péturssonar] handritasafni Jóns Sigurðssonar (JS 129 fol.). Hið síðara er varðveitt í Árnastofnun í handritasafni Konráðs Gíslasonar (KG 31 b V).
Frumprentun í: Fjölnir 7. ár, 1844.
Einnig prentað í: Ljóðmæli eptir Jónas Hallgrímsson. B. Pjetursson og K. Gíslason hafa sjeð um prentunina. Khöfn 1847. [Fyrirsögn: „Sláttuvísur“].
Til fróðleiks
  • Vísubotn 2017 - vísnasamkeppni grunnskólanema
  • Raddir íslenskunnar 2017 - örmyndbönd
  • Dagur íslenskrar tungu 2017
  • Vísubotn 2016 - vísnasamkeppni grunnskólanema
  • Dagur íslenskrar tungu 2016
  • Dagur íslenskrar tungu 2015
  • Jarðeldasaga Íslands
  • Nýr fánadagur - Dagur íslenskrar tungu
Landsbókasafn Íslands - Háskólabókasafn