Fylgstu með okkur á Facebook

Á gömlu leiði 1841

  • Fundanna skært í ljós burt leið,
  • blundar hér vært á beði moldar,
  • blessaðar fært á náðir foldar,
  • barnið þitt sært, ó beiska neyð!
  •  
  • Sofið er ástaraugað þitt
  • sem aldrei brást að mætti mínu;
  • mest hef eg dáðst að brosi þínu,
  • andi þinn sást þar allt með sitt.
  •  
  • Stirðnuð er haga höndin þín,
  • gjörð til að laga allt úr öllu,
  • eins létt og draga hvítt á völlu
  • smámeyjar fagurspunnið lín.
  •  
  • Vel sé þér, Jón! á værum beð,
  • vinar af sjónum löngu liðinn,
  • lúður á bón um himnafriðinn.
  • Kalt var á Fróni, Kjærnesteð!
  •  
  • Slokknaði fagurt lista ljós.
  • Snjókólgudaga hríðir harðar
  • til heljar draga blómann jarðar.
  • Fyrst deyr í haga rauðust rós.
Samið árið 1841
Tvö eiginhandarrit eru til, annað er varðveitt á Landsbókasafni í handritasafni Jóns Sigurðssonar (JS 129 fol.) og hitt er í bréfi Jónasar til Brynjólfs Péturssonar dagsett þann 18. febrúar 1842. [Er í bókinni: Brynjólfur Pétursson: Bréf. Aðalgeir Kristjánsson bjó til prentunar. Khöfn 1964].
Frumprentun í: Skírnir árið 1842.
Til fróðleiks
  • Áhersla á nýyrði á degi íslenskrar tungu 2018
  • Nýyrðasmíð Jónasar í Orðbragði
  • Vísubotn 2018 - vísnasamkeppni grunnskólanema
  • Grein um steinasöfn Jónasar í Náttúrufræðingnum
  • Enn finnast bréf Jónasar
  • Raddir íslenskunnar 2017 - örmyndbönd
  • Jarðeldasaga Íslands
  • Nýr fánadagur - Dagur íslenskrar tungu
Landsbókasafn Íslands - Háskólabókasafn