Fylgstu með okkur á Facebook

Dóri litli, dreptu yður

  • Dóri litli, dreptu yður
  • í dag eða gær sem nú er siður,
  • enginn kveður þig upp né niður
  • ef þú ferð að lifa mig;
  • vonin okkar! vara þig.
  • Eg skal gera átta kviður,
  • ef yður væri dáinn.
  • Komdu’ á skjáinn! Komið þér á skjáinn.
  •  
  • Það er illt að læra lengi,
  • létt er þaufið heimsku mengi;
  • sá sem rær og ristir þvengi
  • af ræfli þeim, sem heitir trú,
  • japlar eins og ég og þú;
  • hinir lifa í góðu gengi;
  • gotuna sem að snapa
  • undir stapa, undir Vogastapa.
  •  
  • Hvað er þetta? Boli eða bokki,
  • bukkur eða hjól í rokki,
  • eða skyldi skekið í strokki
  • í skjólinu við gluggann minn?
  • Ekkert vit eg í því finn.
  • Nú er eins og hnælduhnokki
  • hnerti lær á kerlu!
  • Skotið mellu! Skotið eins og mellu!
  •  
  • Mundi það vera illur andi
  • eða sál úr dauðra landi
  • eða sjálfur svarti fjandi
  • syngjandi við þetta lag
  • raunalegan rellubrag?
  • Ég er ær og ekki í standi
  • að yrkja um þetta meira;
  • leggst á eyra, leggst á kalið eyra.

Prentað í: Sunnanfari IV (1894, 58), líka prentað í: Ljóðmæli eftir Jónas Hallgrímsson. Jón Ólafsson og Jón Sigurðsson hafa séð um útgáfuna. Rvík 1913 [Fyrirsögn: „Gamanvísur til Halldórs Kr. Friðrikssonar“].

Til fróðleiks
  • Áhersla á nýyrði á degi íslenskrar tungu 2018
  • Nýyrðasmíð Jónasar í Orðbragði
  • Vísubotn 2018 - vísnasamkeppni grunnskólanema
  • Grein um steinasöfn Jónasar í Náttúrufræðingnum
  • Enn finnast bréf Jónasar
  • Raddir íslenskunnar 2017 - örmyndbönd
  • Jarðeldasaga Íslands
  • Nýr fánadagur - Dagur íslenskrar tungu
Landsbókasafn Íslands - Háskólabókasafn