Fylgstu með okkur á Facebook

Drottinn gaf og hann drottinn tók

  • Drottinn gaf og hann drottinn tók,
  • drottins nafnið lofað sé.
  • Einatt það mér yndi jók,
  • eg er gerður úr steini og tré;
  • seinast, þegar ég sá í gær
  • sannlega komna háðung nær
  • landa mína – ég lifði samt,
  • lítið er lítið, og stutt er skammt.
  •  
  • Og lifði vel – og líst það sé
  • löglegt verk, þó að 14 manns
  • þjóðina mína hneppi í hlé;
  • hún á að vera þrælafans,
  • og þeir sem að hittu’ á þenna veg,
  • þeir eru sigldir eins og ég,
  • utan þetta einn eða svo,
  • og á við hina suma tvo.
  •  
  • Hafðu, bóndi minn! hægt um þig,
  • hvur hefir skapað þig í kross?
  • dýrðin vor þegar sýnir sig
  • þér sæmir best að lúta oss.
  • Á alþinginu áður var
  • ekki neitt nema höfðingjar;
  • bíddu nú við, og sjáðu senn:
  • svona á það að verða enn.
  •  
  • Taktu nú ekki orð mín samt
  • sem illu gamni fagni ég,
  • þegar að svo af skornum skammt
  • skýlaus rétturinn kemst á veg.
  • Hefndardagurinn eftir er,
  • „en enginn veit nær þetta sker“;
  • samt sem að áður held eg hitt,
  • hvur muni seinast éta sitt.
Samið árið 1843.
Eiginhandarrit er ekki til.
Frumprentun í: Fjölnir 6. ár, 1843.
Einnig prentað í: Ljóðmæli eptir Jónas Hallgrímsson. B. Pjetursson og K. Gíslason hafa sjeð um prentunina. Khöfn 1847.
Til fróðleiks
  • Áhersla á nýyrði á degi íslenskrar tungu 2018
  • Nýyrðasmíð Jónasar í Orðbragði
  • Vísubotn 2018 - vísnasamkeppni grunnskólanema
  • Grein um steinasöfn Jónasar í Náttúrufræðingnum
  • Enn finnast bréf Jónasar
  • Raddir íslenskunnar 2017 - örmyndbönd
  • Jarðeldasaga Íslands
  • Nýr fánadagur - Dagur íslenskrar tungu
Landsbókasafn Íslands - Háskólabókasafn