Fylgstu með okkur á Facebook

Ég ætlaði mér að yrkja

  • Ég ætlaði mér að yrkja
  • einhvern fallegan brag
  • en þegar til á að taka
  • ég tími því ekki í dag.
  •  
  • Ég verð að bera á báru
  • það besta sem mér er veitt
  • og seinast sofna ég frá því
  • og svo fær enginn neitt.
  •  
  • Og það er þér að kenna
  • sem þrái ég alla stund,
  • þú áttir ekki að eiga
  • þenna úlfgráa hund.
  •  
  • Þú áttir ekki að ginna mig
  • á því að segja
  • þú skulir muna mig aftur
  • þegar þú ferð að deyja.
  •  
  • Nú er þér bregst í brjósti
  • blóðið og slokknar fjör
  • þá er ég þreyttur að lifa,
  • á þína kem ég för.
  •  
  • En hvernig heimskir náir
  • með hjúp og moldarflet.
  • „unnast best eftir dauðann“
  • ég aldrei skilið get.

Afskrift sem Brynjólfur Pétursson gerði líklegast er varðveitt á Landsbókasafni (JS 129 fol.)

Frumprentun í: Rit eftir Jónas Hallgrímsson I (Ljóðmæli, smásögur og fleira). Rvík 1929. [Heildarútgáfa á verkum Jónasar í umsjón Matthíasar Þórðarsonar þjóðminjavarðar í 5 bindum sem kom út í Rvík á árunum 1929-37].

Til fróðleiks
  • Áhersla á nýyrði á degi íslenskrar tungu 2018
  • Nýyrðasmíð Jónasar í Orðbragði
  • Vísubotn 2018 - vísnasamkeppni grunnskólanema
  • Grein um steinasöfn Jónasar í Náttúrufræðingnum
  • Enn finnast bréf Jónasar
  • Raddir íslenskunnar 2017 - örmyndbönd
  • Jarðeldasaga Íslands
  • Nýr fánadagur - Dagur íslenskrar tungu
Landsbókasafn Íslands - Háskólabókasafn