Fylgstu með okkur á Facebook

Ég veit það eitt að enginn átti

  • Ég veit það eitt að enginn átti
  • aðra eins móður, feðra gróða
  • safnaði guð, af ástarefni
  • aldin spratt, og friðar valdi.
  • Svo er orðin í Eyjafirði
  • ættin mín að frændur þína
  • lengi mun meðan lífið yngist
  • landið kjósa sér að hrósi.
  •  
  • Ég þakka þér allt, og enn þótt ekki
  • alaugum sjái leiðir háar
  • sonanna bestu sem að treysta
  • sannlega verði’ að þjóðarranni,
  • veit eg og skil eg samt í sveitum
  • svo muni vakna öld að rakni
  • hnúturinn versti og börnin bestu
  • blessi landið, firrist grandi.
Samið árið 1844.
Eiginhandarrit sem er fyrirsagnarlaust er varðveitt í Árnastofnun í handritasafni Konráðs Gíslasonar (KG 31 a II).
Frumprentun fyrra erindis og fyrsta lína hins síðara í: Ljóðmæli eptir Jónas Hallgrímsson. B. Pjetursson og K. Gíslason hafa sjeð um prentunina. Khöfn 1847. [Fyrirsögn: „Brot“].
Einnig prentun í: Ljóðmæli og önnur rit eptir Jónas Hallgrímsson. Gefin út af Hinu íslenzka bókmenntafjelagi. Khöfn 1883.
Prentun líka í: Ljóðmæli eftir Jónas Hallgrímsson. Jón Ólafsson og Jón Sigurðsson hafa séð um útgáfuna. Rvík 1913.
Einnig prentun í: Rit eftir Jónas Hallgrímsson I (Ljóðmæli, smásögur og fleira). Rvík 1929. [Heildarútgáfa á verkum Jónasar í umsjón Matthíasar Þórðarsonar þjóðminjavarðar í 5 bindum sem kom út í Rvík á árunum 1929-37].
Til fróðleiks
  • Áhersla á nýyrði á degi íslenskrar tungu 2018
  • Nýyrðasmíð Jónasar í Orðbragði
  • Vísubotn 2018 - vísnasamkeppni grunnskólanema
  • Grein um steinasöfn Jónasar í Náttúrufræðingnum
  • Enn finnast bréf Jónasar
  • Raddir íslenskunnar 2017 - örmyndbönd
  • Jarðeldasaga Íslands
  • Nýr fánadagur - Dagur íslenskrar tungu
Landsbókasafn Íslands - Háskólabókasafn