Fylgstu með okkur á Facebook

Ein velmeint bænaráminning til G. M.

  • Þegar þú kemur þar í sveit
  • sem þrímennt er á dauðri geit,
  • og tíkargörn er taumbandið
  • og tófuvömb er áreiðið,
  • og öllu snúið öfugt þó
  • aftur og fram í hundamó,
  • svo reiðlagið á ringli fer
  • og rófan horfir móti þér;
  • veittu þeim draugi blundar bið,
  • bölvaðu ei né skyrptu við,
  • en signdu þig og sestu inn
  • sunnan og fram í jökulinn,
  • lúttu þar að sem loginn er
  • og láttu bráðna utan af þér;
  • og seinna, þegar sólin skín,
  • sendu geisla með boð til mín.
Samið árið 1844.
Eiginhandarrit er varðveitt í Árnastofnun í handritasafni Konráðs Gíslasonar (KG 31 a II).
Frumprentun í: Ljóðmæli eptir Jónas Hallgrímsson. B. Pjetursson og K. Gíslason hafa sjeð um prentunina. Khöfn 1847.
Til fróðleiks
  • Áhersla á nýyrði á degi íslenskrar tungu 2018
  • Nýyrðasmíð Jónasar í Orðbragði
  • Vísubotn 2018 - vísnasamkeppni grunnskólanema
  • Grein um steinasöfn Jónasar í Náttúrufræðingnum
  • Enn finnast bréf Jónasar
  • Raddir íslenskunnar 2017 - örmyndbönd
  • Jarðeldasaga Íslands
  • Nýr fánadagur - Dagur íslenskrar tungu
Landsbókasafn Íslands - Háskólabókasafn