Fylgstu með okkur á Facebook

Grenið

  • Komið er að dyrum,
  • kallað er úti,
  • skotmaður spyr:
  • „er skolli heima?
  • lambsfót sé eg liggja
  • og legg úr sauði,
  • ræfil af rjúpu –
  • reiður er þér.“
  •  
  • Tófa:
  • (inni fyrir)
  • Heima segi’ eg mig,
  • heill og sæll, vinur!
  • gestur inn göfugi,
  • gakk nú til stofu;
  • dyr eru lágar,
  • dimmt er í húsi
  • fáráðs frumbýlings,
  • fyrirgefðu það.
  •  
  • Skotmaður:
  • Út er að ganga
  • og undir renna
  • vopn voveifleg
  • og að velli falla;
  • báðu mig bændur
  • belg þinn að hrjá,
  • og blóðdrekki
  • að bana verða.
  •  
  • Tófa:
  • Annt er mér inni
  • í ofan hrundum
  • urðarhóli
  • orpnum moldu;
  • margs ber að gæta
  • móður ungri,
  • sona fjögra
  • og sex dætra.
  •  
  • Ein sit eg inni
  • annast hlýt
  • kafloðna hvolpa
  • í krá dimmri,
  • hlaupa þeir um holur,
  • hrökklast þeir í gjótur,
  • steðja þeir um steina,
  • stunda á útkomu.
  •  
  • Höfuðlaust heita
  • heimili má,
  • þá bóndinn er
  • á burtu genginn;
  • rann refur minn
  • til rjúpnaveiða
  • búi sínu
  • bjargir að fá.
Samið á árunum 1844-1845.
Eiginhandarrit er varðveitt í Árnastofnun í handritasafni Konráðs Gíslasonar (KG 31 a II).
Frumprentun í: Ljóðmæli eptir Jónas Hallgrímsson. B. Pjetursson og K. Gíslason hafa sjeð um prentunina. Khöfn 1847.
Til fróðleiks
  • Áhersla á nýyrði á degi íslenskrar tungu 2018
  • Nýyrðasmíð Jónasar í Orðbragði
  • Vísubotn 2018 - vísnasamkeppni grunnskólanema
  • Grein um steinasöfn Jónasar í Náttúrufræðingnum
  • Enn finnast bréf Jónasar
  • Raddir íslenskunnar 2017 - örmyndbönd
  • Jarðeldasaga Íslands
  • Nýr fánadagur - Dagur íslenskrar tungu
Landsbókasafn Íslands - Háskólabókasafn