Fylgstu með okkur á Facebook

Guðrún Stephensen

  • Bláa vegu
  • brosfögur sól
  • gengur glöðu skini.
  • Sérattu söknuð
  • og sorga fjöld
  • þeirra á landi lifa?
  •  
  • Gróa grös
  • við geisla þína
  • liðinna leiðum á –
  • en þú brosir
  • og burtu snýr;
  • kvöldgustar kula.
  •  
  • Svo frá heimi
  • til himinsala
  • frelstar sálir fara;
  • sýta syrgjendur
  • sóllausa daga
  • angurgusti í.
  •  
  • Hvör er hinn grátni
  • sem að grafarbeð
  • beygðu höfði bíður?
  • elskað lík
  • undir köldum leir
  • hvílir feti framar.
  •  
  • Styðst harmþrunginn
  • höfðingi,
  • Stephensen, að steini –
  • framliðna frú,
  • föðurlands prýði,
  • syrgir svo mælandi:
  •  
  • „Sáran lét guð mig
  • söknuð reyna!
  • verði hans vísdóms
  • vilji á mér!
  • Syrtir í heimi,
  • sorg býr á jörðu,
  • ljós á himni,
  • lifir þar mín von.
  •  
  • Hvar skal eg léttis
  • í heimi leita?
  • hvar skal eg trega
  • tár of fella?
  • Bíða vil eg glaður
  • uns brotnar fjötur
  • líkams, og laus
  • líð eg eftir þér.“
  •  
  • Ó, þú máttur
  • og mikla von,
  • er þá öflgu styður!
  • Hjörtun hefjast,
  • þá hetju sjá
  • standa eina í stríði.
Samið árið 1832.
Eiginhandarrit er varðveitt í Árnastofnun í handritasafni Konráðs Gíslasonar (KG 31 b I). [Fyrirsögn: „Við dauða frú Conferenceráðinnu G. Stephensen“].
Frumprentun í: „Grafminníngar og Erfiljód eptir ýmislegt merkisfólk“. Viðey 1842.
Einnig prentað í: Ljóðmæli eptir Jónas Hallgrímsson. B. Pjetursson og K. Gíslason hafa sjeð um prentunina. Khöfn 1847. [Fyrirsögn: „Eftir frú Guðrúnu Stephensen í Viðey“].
Til fróðleiks
  • Áhersla á nýyrði á degi íslenskrar tungu 2018
  • Nýyrðasmíð Jónasar í Orðbragði
  • Vísubotn 2018 - vísnasamkeppni grunnskólanema
  • Grein um steinasöfn Jónasar í Náttúrufræðingnum
  • Enn finnast bréf Jónasar
  • Raddir íslenskunnar 2017 - örmyndbönd
  • Jarðeldasaga Íslands
  • Nýr fánadagur - Dagur íslenskrar tungu
Landsbókasafn Íslands - Háskólabókasafn