Fylgstu með okkur á Facebook

Líkur sínum

  • Allt hefi ég af öfum mínum,
  • illt er að vera líkur sínum,
  • annar kvað og annar saup;
  • ég á að heita barnið beggja;
  • búinn að stökka hvoru tveggja
  • grárra manna Grettishlaup.
  •  
  • Ólukkinn skal yrkja lengur,
  • enginn til þess finnur drengur,
  • og þó miklu minnur fljóð;
  • ólukkinn skal oftar súpa,
  • eg er fótaloðin rjúpa;
  • plokki þér mig nú, Gunna góð!
Samið árið 1844.
Þrjú eiginhandarrit til af fyrra erindinu en aðeins eitt af kvæðinu öllu. Fyrra erindið er varðveitt í Árnastofnun í handritasafni Konráðs Gíslasonar (KG 31 a II) og á Landsbókasafni (ÍB 13 fol. Handritasafn Bókmenntafélagsins). Endanleg gerð kvæðisins er aftar í heftinu á Landsbókasafni (ÍB 13 fol.).
Frumprentun í: Ljóðmæli og önnur rit eptir Jónas Hallgrímsson. Gefin út af Hinu íslenzka bókmenntafjelagi. Khöfn 1883.
Til fróðleiks
  • Áhersla á nýyrði á degi íslenskrar tungu 2018
  • Nýyrðasmíð Jónasar í Orðbragði
  • Vísubotn 2018 - vísnasamkeppni grunnskólanema
  • Grein um steinasöfn Jónasar í Náttúrufræðingnum
  • Enn finnast bréf Jónasar
  • Raddir íslenskunnar 2017 - örmyndbönd
  • Jarðeldasaga Íslands
  • Nýr fánadagur - Dagur íslenskrar tungu
Landsbókasafn Íslands - Háskólabókasafn