Fylgstu með okkur á Facebook

Lofsöngur

(Claus Frimann)
  • Líti eg um loftin blá
  • skýin sem sigla fram silfurglitaðan boga,
  • hálftungls gullnu hornin á,
  • herinn stjarna, þann tindrandi loga,
  • þrungna þrumu heimkynnið
  • þar sem að skruggan skæð skekur dunandi hamar,
  • rekur fjalli högg á hlið,
  • hittir skóginn og stórviðu lamar.
  • :,: Þú ert mikill! hrópa eg hátt.
  • Himnaguð! eg sé þinn mátt,
  • fyrir þinni hægri hönd
  • hnígur auðmjúk í duftið mín önd. :,:
  •  
  • Líti’ eg langt um útþönd höf
  • hvar eð skjót skipamergð skundar vængjuðum húnum,
  • sökkur dúpt í sjávargröf,
  • sést svo aftur á aldanna brúnum,
  • hvar eð sé eg sverðfiskinn,
  • hnúðurbak, hrosshvelið hart við stökkulinn glíma,
  • hvar eð flögurflokkurinn
  • ferðast réttum á vegi og tíma.
  • :,: Þúr ert mikill! hrópa eg hátt.
  • Hafsins guð! eg sé þinn mátt,
  • sjór og hvað þar inni er
  • órækt vitni um guðdóm þinn ber. :,:
  •  
  • Líti’ eg liljum skrýdda jörð,
  • skoði eg skóg og strönd, skoði’ eg dali og fjöllin,
  • skoði’ eg bugðubreyttan fjörð,
  • breiðar elfur og vatnsbunuföllin,
  • skoði’ eg skepnufjöld ótal
  • allt frá þeim ormi sem undir duftinu skríður,
  • yfir féð í fögrum dal
  • fjær til himins þar beinfleyg örn líður.
  • :,: Þú ert mikill! hrópa eg hátt.
  • Heimsins guð! eg sé þinn mátt!
  • Lofið, himnar, haf og jörð,
  • hann hvurs mætti þið af eruð gjörð. :,;
Þýtt á árunum 1826-1828.
Eiginhandarrit er varðveitt í Árnastofnun í handritasafni Konráðs Gíslasonar (KG 31 b).
Frumprentun í: Ljóðmæli eptir Jónas Hallgrímsson. B. Pjetursson og K. Gíslason hafa sjeð um prentunina. Khöfn 1847. [Athugasemd: „Þessu kvæði hefur Jónas snúið áður en hann sigldi.“].
Til fróðleiks
  • Áhersla á nýyrði á degi íslenskrar tungu 2018
  • Nýyrðasmíð Jónasar í Orðbragði
  • Vísubotn 2018 - vísnasamkeppni grunnskólanema
  • Grein um steinasöfn Jónasar í Náttúrufræðingnum
  • Enn finnast bréf Jónasar
  • Raddir íslenskunnar 2017 - örmyndbönd
  • Jarðeldasaga Íslands
  • Nýr fánadagur - Dagur íslenskrar tungu
Landsbókasafn Íslands - Háskólabókasafn