Fylgstu með okkur á Facebook

Öllum fyrir Ingólfur sér opinn geiminn

  • Öllum fyrir Ingólfur sér opinn geiminn
  • þegar teiknin taka heima
  • tvíræð yfir landið sveima.
  •  
  • Robb og Grímur rogast nú með rauða hettu.
  • Engill verndar, allra gættu
  • ólærðra í nýrri hættu.
  •  
  • Robbur gamall rauna fer að rétta helsi,
  • yngra teiknið Grímur í galsa
  • guð og menn er nú að falsa.
  •  
  • Ídeuna eða hvað hún annars heitir
  • svo fjárinn sig ei fyrirliti
  • fundu þeir í hvurju riti.
  •  
  • Þegar skröggur skeggið helga skekur á bringu,
  • skegglaus enn og skatnar þinga,
  • skapar hann heillir Íslendinga.
  •  
  • Tímarímuteiknin standa tvö í vindum,
  • sitt yfir hvurju líða landi,
  • lafa samt á einu bandi.
  •  
  • Annað þeirra áðan heyrðum eitthvað grenja:
  • Botsje, Zara, blessaður grannie,
  • beljaði annað: Rule Britannie.
  •  
  • Meistarar tveir á mesta lofið manna stunda,
  • annar vegur vit í höndum,
  • vörur hinn á reisluböndum.
Samið á árunum 1844-1845.
Eiginhandarrit sem er fyrirsagnarlaust er varðveitt í Árnastofnun í handritasafni Konráðs Gíslasonar (KG 31 a II).
Frumprentun í: Rit eftir Jónas Hallgrímsson I (Ljóðmæli, smásögur og fleira). Rvík 1929. [Heildarútgáfa á verkum Jónasar í umsjón Matthíasar Þórðarsonar þjóðminjavarðar í 5 bindum sem kom út í Rvík á árunum 1929-37].
[Fyrirsögn: „Robb og rímur“].
Til fróðleiks
  • Áhersla á nýyrði á degi íslenskrar tungu 2018
  • Nýyrðasmíð Jónasar í Orðbragði
  • Vísubotn 2018 - vísnasamkeppni grunnskólanema
  • Grein um steinasöfn Jónasar í Náttúrufræðingnum
  • Enn finnast bréf Jónasar
  • Raddir íslenskunnar 2017 - örmyndbönd
  • Jarðeldasaga Íslands
  • Nýr fánadagur - Dagur íslenskrar tungu
Landsbókasafn Íslands - Háskólabókasafn