Fylgstu með okkur á Facebook

Óskaráð

(Vinnukona kvartaði um að hún fengi ekki þjónustukaup)
  • Ég skal kenna þér að þjóna
  • þrælnum fyrir ekki neitt;
  • settu fyrst upp svarta skóna,
  • svo hann fari’ á þá að góna,
  • gerðu’ honum síðan helið heitt.
  •  
  • Ef hann mykist ei á þessu,
  • eins og stundum verða kann,
  • farðu þá sem fyrst til messu,
  • færðu þig í „bombasessu“-
  • kjólinn þinn, og kveddu hann.
  •  
  • En ef færðu ekki taman
  • annað hann við ráðið þitt,
  • þvoðu þér þá fyrst í framan,
  • farðu svo úr öllu saman –
  • það mun heppnast, hróið mitt!
Samið á árunum 1844-1845.
Eiginhandarrit er varðveitt á Landsbókasafni (ÍB 13 fol. Handritasafn Bókmenntafélagsins).
Frumprentun í: Rit eftir Jónas Hallgrímsson I (Ljóðmæli, smásögur og fleira). Rvík 1929. [Heildarútgáfa á verkum Jónasar í umsjón Matthíasar Þórðarsonar þjóðminjavarðar í 5 bindum sem kom út í Rvík á árunum 1929-37].
Til fróðleiks
  • Áhersla á nýyrði á degi íslenskrar tungu 2018
  • Nýyrðasmíð Jónasar í Orðbragði
  • Vísubotn 2018 - vísnasamkeppni grunnskólanema
  • Grein um steinasöfn Jónasar í Náttúrufræðingnum
  • Enn finnast bréf Jónasar
  • Raddir íslenskunnar 2017 - örmyndbönd
  • Jarðeldasaga Íslands
  • Nýr fánadagur - Dagur íslenskrar tungu
Landsbókasafn Íslands - Háskólabókasafn