Fylgstu með okkur á Facebook

Seg oss lengur sögu

  • R:
  • Seg oss lengur sögu,
  • sælt er á að hlýða
  • þrautafarir þínar,
  • þrekverk öll að vita,
  • meðan sólin sígur
  • sæl í djúpar unnir
  • og á heiðum himni
  • hvítur lýsir máni.
  •  
  • Á:
  • Skemmtir það litlu lambi
  • líti það varga bítast?
  •  
  • R:
  • Ojú, Ásmundur,
  • ef það stendur
  • óhult innan garðs.
  • Óhultur nú
  • héðan af ertu,
  • því héstu mér
  • aldrei að velkjast
  • í víkingu framar.
Samið árið 1844.
Eiginhandarrit sem er fyrirsagnarlaust er varðveitt á Landsbóksafni (ÍB 13 fol. Handritasafn Bókmenntafélagsins).
Frumprentun í: Ljóðmæli og önnur rit eptir Jónas Hallgrímsson. Gefin út af Hinu íslenzka bókmenntafjelagi. Khöfn 1883. [Ritnefnd skipuðu Björn Jensson, Jón Sveinsson, Konráð Gíslason, Sigurður Jónasson, en aðalumsjónarmaður var Hannes Hafstein og skrifar hann um Jónas í formála.]
Einnig prentað í: Rit eftir Jónas Hallgrímsson I (Ljóðmæli, smásögur og fleira). Rvík 1929. [Heildarútgáfa á verkum Jónasar í umsjón Matthíasar Þórðarsonar þjóðminjavarðar í 5 bindum sem kom út í Rvík á árunum 1929-37].
Til fróðleiks
  • Áhersla á nýyrði á degi íslenskrar tungu 2018
  • Nýyrðasmíð Jónasar í Orðbragði
  • Vísubotn 2018 - vísnasamkeppni grunnskólanema
  • Grein um steinasöfn Jónasar í Náttúrufræðingnum
  • Enn finnast bréf Jónasar
  • Raddir íslenskunnar 2017 - örmyndbönd
  • Jarðeldasaga Íslands
  • Nýr fánadagur - Dagur íslenskrar tungu
Landsbókasafn Íslands - Háskólabókasafn