Fylgstu með okkur á Facebook

Skrælingjagrátur

  • Ein sorgleg vísa út af alþingi
  • samansett
  • af
  • Ívari Bárðsyni,
  • Viðeyjarklaustri.
  • Þrykkt seinast af öllu, þegar bókþrykkiríið
  • niðurlagðist.
  •  
  • Naha, naha!
  • Báglega tókst með alþing enn,
  • naha, naha, naha!
  • það eru tómir dauðir menn.
  • Naha, naha, nah!
  •  
  • Það sést ekki á þeim hams né hold,
  • naha, naha, naha!
  • og vitin eru svo full af mold;
  • naha, naha, nah!
  •  
  • Og ekkert þinghús eiga þeir,
  • naha, naha, naha!
  • og sitja á hrosshaus tveir og tveir.
  • Naha, naha, nah!
  •  
  • Þeir hafa hvurki kokk né pott;
  • naha, naha, naha!
  • og smakka hvurki þurrt né vott;
  • naha, naha, nah!
  •  
  • Og hvurgi fá þeir kaffibaun,
  • naha, naha, naha!
  • og eru svangir og blása í kaun;
  • naha, naha, nah!
  •  
  • Og bragða hvurki brauð né salt,
  • naha, naha, naha!
  • og þegja allir og er svo kalt;
  • naha, naha, nah!
  •  
  • Þeir deyja aftur úr kulda og kröm!
  • naha, naha, naha!
  • og holtið er grátt og kvölin söm.
  • Naha, naha, nah!
Samið árið 1843.
Þrjú eiginhandarrit til. Hið fyrsta er varðveitt í Árnastofnun í handritasafni Konráðs Gíslasonar (KG 31 a II). Annað er varðveitt í Árnastofnun í handritasafni Konráðs Gíslasonar (31 b V). Hið þriðja er varðveitt á Landsbókasafni í handritasafni Jóns Sigurðssonar (JS 129 fol.).
Frumprentun í: Ljóðmæli eptir Jónas Hallgrímsson. B. Pjetursson og K. Gíslason hafa sjeð um prentunina. Khöfn 1847.
Til fróðleiks
  • Áhersla á nýyrði á degi íslenskrar tungu 2018
  • Nýyrðasmíð Jónasar í Orðbragði
  • Vísubotn 2018 - vísnasamkeppni grunnskólanema
  • Grein um steinasöfn Jónasar í Náttúrufræðingnum
  • Enn finnast bréf Jónasar
  • Raddir íslenskunnar 2017 - örmyndbönd
  • Jarðeldasaga Íslands
  • Nýr fánadagur - Dagur íslenskrar tungu
Landsbókasafn Íslands - Háskólabókasafn