Fylgstu með okkur á Facebook

Afmælisvísur til Brynjólfs Péturssonar

  • Við sem annars lesum lögin
  • og lítil höfum vængjaslögin
  • opna gerum hróðrar hauginn,
  • herjans uglan sat þar á.
  • Fagurt galaði fuglinn sá.
  • Síðan kvæða sendum drauginn,
  • séra Péturs kundi.
  • Listamaðurinn lengi sér þar undi.
  •  
  • Sá hann eitt sinn sitja’ á ljóra,
  • svo sem gerði bólan stóra,
  • ofurlítinn nöldurs nóra,
  • sem naktar voru klærnar á.
  • Fagurt galaði fuglinn sá.
  • Hann hugðist gera gys að móra,
  • en greip í skott á hundi.
  • Listamaðurinn lengi sér þar undi.
  •  
  • Fýsi þig að frétta meira,
  • freilich kann eg segja fleira:
  • upp í háum hamrageira
  • honum skruppu tærnar frá.
  • Fagurt galaði fuglinn sá.
  • Hann hékk þar svona’ á hægra eyra,
  • hvergi frá eg hann stundi.
  • Listamaðurinn lengi sér þar undi.

Vísurnar voru prentaðar í: Sunnanfari IV (1895, 60) og líka prentaðar í: Ljóðmæli eftir Jónas Hallgrímsson. Jón Ólafsson og Jón Sigurðsson hafa séð um útgáfuna. Rvík 1913.

Til fróðleiks
  • Áhersla á nýyrði á degi íslenskrar tungu 2018
  • Nýyrðasmíð Jónasar í Orðbragði
  • Vísubotn 2018 - vísnasamkeppni grunnskólanema
  • Grein um steinasöfn Jónasar í Náttúrufræðingnum
  • Enn finnast bréf Jónasar
  • Raddir íslenskunnar 2017 - örmyndbönd
  • Jarðeldasaga Íslands
  • Nýr fánadagur - Dagur íslenskrar tungu
Landsbókasafn Íslands - Háskólabókasafn