Fylgstu með okkur á Facebook

Benedikt Scheving skæður

  • Benedikt Scheving skæður,
  • við skötuhryggjaglæður
  • á kakalón klakinn út
  • úr eitruðu hanaeggi;
  • ekki’ er furða þó leggi
  • lykt af þér eins og lút.

Magnús, vinur! legg og lið

  • Magnús, vinur! legg og lið
  • leggjum saman bæði.
  • Þú ert linur, fær þó frið
  • fyrir þolinmæði.

Skeifi skollafótur

  • Skeifi skollafótur!
  • skankalangi Búi!
  • leiði leppaþór!
  • æði augnaljótur,
  • engi bið eg þér trúi,
  • kauði kampastór!
  • Þrumar þú í hanabjálkahreysi,
  • hræsvelgur um teglda fjöl þó geysi,
  • vappa tekur Valgerður með keisi.
  • - Vont er að sitji fleiri’ en einn á meisi.

Hjörleifs reiði ríður mér á slig

  • Hjörleifs reiði ríður mér á slig;
  • svo ég fjúki’ ei flatur út í haga,
  • fyrstu átta hvassveðursins daga
  • Öxneyingar á mig reyri sig.

Ef hann sendir englamergð

  • Ef hann sendir englamergð
  • einum móti skratta!
  • andskotinn fer fýluferð
  • og fjóra missir hatta.

Æ! hvað níðir svanna sá

  • Æ! hvað níðir svanna sá
  • Satans hattur ljótur!
  • undir honum er auðarná
  • eins og buslufótur.

Allar þessar vísur voru fyrst prentaðar í: Rit eftir Jónas Hallgrímsson I (Ljóðmæli, smásögur og fleira). Rvík 1929. [Heildarútgáfa á verkum Jónasar í umsjón Matthíasar Þórðarsonar þjóðminjavarðar í 5 bindum sem kom út í Rvík á árunum 1929-37].

[Fimm fyrstu vísurnar voru með fyrirsögninni: „Skólaglettur“].

Til fróðleiks
  • Áhersla á nýyrði á degi íslenskrar tungu 2018
  • Nýyrðasmíð Jónasar í Orðbragði
  • Vísubotn 2018 - vísnasamkeppni grunnskólanema
  • Grein um steinasöfn Jónasar í Náttúrufræðingnum
  • Enn finnast bréf Jónasar
  • Raddir íslenskunnar 2017 - örmyndbönd
  • Jarðeldasaga Íslands
  • Nýr fánadagur - Dagur íslenskrar tungu
Landsbókasafn Íslands - Háskólabókasafn