Fylgstu með okkur á Facebook

Suður fórumk um ver

  • Suður fórumk um ver,
  • en eg svarna ber
  • öflga eiðstafi
  • úr úthafi:
  • munarmyndum
  • mjög þótt yndum,
  • heimrof mig finni
  • hjá Huldu minni.
  •  
  • Þar er barmi blíður
  • og blómafríður
  • runnur í reit
  • er eg rökkri sleit;
  • dalur, sól og sær
  • og systur tvær,
  • einkamóðir
  • og ástvinir góðir.
  •  
  • Þar er búþegn bestur,
  • bóndi og prestur,
  • til þess tel eg vottinn –
  • trúir enn á drottin
  • og á sjálfan sig
  • svo sem ég á mig,
  • þar er líf í landi
  • og ljóshæfur andi.
Eiginhandarrit sem er fyrirsagnarlaust er varðveitt í Árnastofnun í handritasafni Konráðs Gíslasonar (KG 31 a II).
Frumprentun í: Ljóðmæli eptir Jónas Hallgrímsson. B. Pjetursson og K. Gíslason hafa sjeð um prentunina. Khöfn 1847. [Fyrirsögn: „Brot“].
Einnig prentað í: Ljóðmæli eftir Jónas Hallgrímsson. Jón Ólafsson og Jón Sigurðsson hafa séð um útgáfuna. Rvík 1913. [Fyrirsögn: „Heima“].
Til fróðleiks
  • Áhersla á nýyrði á degi íslenskrar tungu 2018
  • Nýyrðasmíð Jónasar í Orðbragði
  • Vísubotn 2018 - vísnasamkeppni grunnskólanema
  • Grein um steinasöfn Jónasar í Náttúrufræðingnum
  • Enn finnast bréf Jónasar
  • Raddir íslenskunnar 2017 - örmyndbönd
  • Jarðeldasaga Íslands
  • Nýr fánadagur - Dagur íslenskrar tungu
Landsbókasafn Íslands - Háskólabókasafn