Fylgstu með okkur á Facebook

Úr leikritinu „Dauði Karls fimmta“

(Carsten Hauch)

5ti þáttur
Snemma morguns, í birtingu úti, nálægt Klöruklaustri í Valladolid.
  • Gonsalez. Alonzo.
  •  
  • Alonzo: Hvur er þar?
  • Gonsalez: Einn sem þig öngvu varðar.
  • Alonzo: Gonsalez heyri’ eg mér gegnir nú.
  • Gonsalez: Hann að vísu, en hvur ert þú?
  • Alonzo: Vinur keisarans.
  • Gonsalez: Vitum hann dauðan.
  • Alonzo: Svo er það sagt og síst er að dylja, hentleg að heimför hans er orðin.
  • Gonsalez: Ert þú hér kominn, Alonzo?
  • Alonzo: Heyrðu –
  • Gonsalez: Nú grær grund yfir gröf vors herra.
  • Alonzo: Heyrðu, Gonsalez, hún er mér sögð ekki auðfundin undir moldu.
  • Gonsalez: Ég, við skiljumst.
  • Alonzo: Ég held það með.
  • Gonsalez: Ætlan okkar er upp að vekja grafbúa dauðan get eg að sé?
  • Alonzo: Það er og mest mér í skapi.
  • Gonsalez: Full hef eg fimm hundruð fylgdarmanna einbeitt lið allt að reyna.
  • Alonzo: Þei, þei, einhvur er hér á slóðum, gætum vor, Gonsalez, göngum úr vegi.
  •  
  • (Þeir skýla sér bak við klausturmúrinn.)
  • Filippus. Carranza erkibiskup.
  •  
  • Carranza: Herra konungur!
  • hvurt má nú dirfast
  • eg að trúa
  • augum mínum,
  • svo er mér hugtítt
  • um heilsu yðra
  • að eg í auðmýkt
  • andsvars að leita,
  • dýrstur einvaldur,
  • dirfast hlýt:
  • Hvað hefir úr húsum
  • höfðingjann þjóða
  • aldrei sem áður
  • var einn á ferð –
  • hvað hefir úr húsum
  • höfðingjann góða
  • langt af leið
  • lífvarða sinna,
  • dökkum alfalinn
  • dularklæðum,
  • kallað út, svo
  • að koldimmri nótt
  • og flærðafullri
  • sér fyrir trúir!
  • Virðist, ó virðist
  • hinn vegsamlegi
  • satt mér að segja
  • það er síst eg skil.
Þýtt á árunum 1843-1844.
Eiginhandarrit er varðveitt í Árnastofnun í handritasafni Konráðs Gíslasonar (KG 31 a II).
Frumprentun í: Rit eftir Jónas Hallgrímsson I (Ljóðmæli, smásögur og fleira). Rvík 1929. [Heildarútgáfa á verkum Jónasar í umsjón Matthíasar Þórðarsonar þjóðminjavarðar í 5 bindum sem kom út í Rvík á árunum 1929-37].
Til fróðleiks
  • Áhersla á nýyrði á degi íslenskrar tungu 2018
  • Nýyrðasmíð Jónasar í Orðbragði
  • Vísubotn 2018 - vísnasamkeppni grunnskólanema
  • Grein um steinasöfn Jónasar í Náttúrufræðingnum
  • Enn finnast bréf Jónasar
  • Raddir íslenskunnar 2017 - örmyndbönd
  • Jarðeldasaga Íslands
  • Nýr fánadagur - Dagur íslenskrar tungu
Landsbókasafn Íslands - Háskólabókasafn