Suðursveit er þó betri
en Seltjarnarnesið var;
taðan er töluvert meiri
og tunglið er rétt eins og þar.
Hitinn úr hófi keyrir,
en honum uni ég þó;
börnin hér bograst í skuggann
og blaðra sem hvolpar í mó.
Og bæjardyraburstin
ber um hvað margt sé féð –
sex þúsund sauðarleggi
er Sigfús minn búinn með.
Eiginhandarrit sem er fyrirsagnarlaust er varðveitt í Árnastofnun í handritasafni Konráðs Gíslasonar (KG 31 a II).
Frumprentun í: Ljóðmæli eptir Jónas Hallgrímsson. B. Pjetursson og K. Gíslason hafa sjeð um prentunina. Khöfn 1847. [Fyrirsögn: „Suðursveit“].