„Illa er mér við óleik þinn,
er þér heimilt pútuskinn,
en láttu vera líkama minn,
lifandi sálar kroppinn!“
Eg hefi fundið illa kind,
á henni var háðsleg mynd,
það var líkast lús eða synd –
ég lagði hana í koppinn.
Samið árið 1844.
Tvö eiginhandarrit eru til. Annað er varðveitt í Árnastofnun í handritasafni Konráðs Gíslasonar (KG 31 a II). Hitt er varðveitt á Landsbókasafni (ÍB 13 fol. Handritasafn Bókmenntafélagsins).
Frumprentun í: Rit eftir Jónas Hallgrímsson I (Ljóðmæli, smásögur og fleira). Rvík 1929. [Heildarútgáfa á verkum Jónasar í umsjón Matthíasar Þórðarsonar þjóðminjavarðar í 5 bindum sem kom út í Rvík á árunum 1929-37].