Á eg mér kvæðaefni mörg
– þótt engum manni fríum. –
Eg réðist í að reisa hörg,
regin! yður og díum,
sem eilíflega eruð fjörg
og á það setjið dæmaförg –
en þessi fagra Fingurbjörg
flytur mig ofar skýjum.
Samið árið 1845.
Eiginhandarrit er varðveitt á Landsbókasafni (ÍB 13 fol. Handritasafn Bókmenntafélagsins).
Frumprentun í: Rit eftir Jónas Hallgrímsson I (Ljóðmæli, smásögur og fleira). Rvík 1929. [Heildarútgáfa á verkum Jónasar í umsjón Matthíasar Þórðarsonar þjóðminjavarðar í 5 bindum sem kom út í Rvík á árunum 1929-37].