Ó, þú jörð, sem er
yndi þúsunda,
blessuð jörð sem ber
blómstafi grunda,
sárt er að þú sekkur undir mér.
Hef eg mig frá þér hér
og hníg til þín aftur,
mold sem mannsins er
magngjafi skaptur;
sárt er að þú sekkur undir mér.
Samið árið 1844.
Eiginhandarrit er varðveitt í Árnastsofnun í handritasafni Konráðs Gíslasonar (KG 31 a II).
Frumprentun í: Ljóðmæli eptir Jónas Hallgrímsson. B. Pjetursson og K. Gíslason hafa sjeð um prentunina. Khöfn 1847.
Einnig prentað í: Ljóðmæli og önnur rit eptir Jónas Hallgrímsson. Gefin út af Hinu íslenzka bókmenntafjelagi. Khöfn 1883.