Pósturinn er sálaður sunnan,
syrgir bæði halur og nunnan,
af því hann var allra ánægja
utanlands og innan „að sægja“.
„Fóta gat ei fram róið árum“,
forarhlandsins sökk hann í bárum.
Liggur þar í leðju á botni.
„Lifir dyggð þó fjöræðar þrotni“.
Fyrst prentað í: Sunnanfari XI (1912, 43), einnig prentað í: Rit eftir Jónas Hallgrímsson I (Ljóðmæli, smásögur og fleira). Rvík 1929. [Heildarútgáfa á verkum Jónasar í umsjón Matthíasar Þórðarsonar þjóðminjavarðar í 5 bindum sem kom út í Rvík á árunum 1929-37].